فيلمدە قازاقستان وقۋ-اعارتۋ سالاسىنىڭ عۇلاماسى شامعالي سارىباەۆتىڭ جارقىن بەينەسى كورسەتىلىپ, قازاق ءتىلىن وقىتۋ ادىستەمەسىنىڭ ۇزدىك باستاماشىسى رەتىندە ەلىمىزدىڭ رۋحانياتى مەن مادەنيەتىنە قوسقان زور ۇلەسى مەن عىلىمي-ۇستازدىق ەرەن ەڭبەگى باياندالادى.
دەرەكتى ءفيلمنىڭ الدىندا قۇرمانعازى اتىنداعى ۇلتتىق كونسەرۆاتوريانىڭ رەكتورى ارمان جودەباەۆ جانە قازاقستان رەسپۋبليكاسىنىڭ ۇلتتىق عىلىم اكادەمياسىنىڭ اكادەميگى مۇرات جۇرىن ۇلى جۇرىنوۆ ءسوز سويلەيدى.
ش.ح.سارىباەۆ اۋلەتىنەن شىققان بەلگىلى تۇلعالارعا ارنالعان ەستەلىك تاقتانىڭ اشىلۋى وتەدى. ولاردىڭ ىشىندە: قازاق ءتىلى ءبىلىمىنىڭ شىراقشىسى, قر ۇلتتىق عىلىم اكادەمياسىنىڭ اكادەميگى, پروفەسسور شورا شامعالي ۇلى سارىباەۆ; قازاق ۇلتتىق مۋزىكا اسپاپتارىنىڭ زەرتتەۋشىcى, جيناقتاۋشى ءارى ناسيحاتتاۋشىسى, قازاق ۇلتتىق كونسەرۆاتورياسىنىڭ پروفەسسورى بولات شامعالي ۇلى سارىباەۆ; قازاق مۋزىكاسىنىڭ بەلدى وكىلى, تانىمال سازگەر جانە زەرتتەۋشى تالعات بولات ۇلى سارىباەۆ بار.
ەسكەرتكىش تاقتانىڭ اشىلۋ راسىمىنە قاتىسۋشىلاردىڭ اراسىندا الماتى قالاسى اكىمى ەربولات اسقاربەك ۇلى دوساەۆ, اقپارات جانە قوعامدىق دامۋ ءمينيسترى دارحان قۋاندىق ۇلى قىدىرالى, قازاقستاننىڭ حالىق ءارتىسى روزا رىمباەۆا جانە زيالى قاۋىم وكىلدەرى بولادى.
